Құқық бұзушылықтың алдын алу

qarmaqshy-tany.kz Қызылорда облысының білім беру ұйымдарында құқық бұзушылықтың алдын алуды түсіндірудің бірлескен жоспарына сәйкес аудандық білім бөлімінің ұйымдастыруымен кент орталығындағы №26, №27, №30, №121 орта мектептердің 8-11 сынып оқушыларына құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық зомбылық, ерте жүктіліктің алдын алу бағытында ақпараттық танымдық, түсіндірме жұмыстары жүргізілді. Түсіндірме жұмыстары ауданымызда жиі-жиі болып тұрады және осыған байланысты түнгі рейдт жұмыстары да жүргізіліп отырады.

Кездесуге Қармақшы аудандық прокуратура, АПб-нің ювенальды полиция тобының инспекторы, аудандық білім бөлімінің әдіскері, аудандық орталық емханасының психо-әлеуметтік кеңес беру дәрігері, аудандық жастар денсаулығы орталығының психологі, аудандық жастар ресурстық орталығының директоры қатысып, өздерінің ақыл кеңестерін айтып, болашаққа дұрыс бағыт-бағдарларын таңдауды түсіндірді.

Кездесу барысында құқықбұзушылықтың алдын алуға бағытталған бейнероликтер көрсетілді. Жиында қатысушылар өз ойларын ортаға салып, оқушылардың сұрағына жауап бере отырып пікір алмасты.