qarmaqshy-tany.kz 2022 жылғы 23-24 қараша күндері Қармақшы ауданы бойынша білім бөліміне қарасты №80, №85, №99, №106, №107, №108, №109, №269, №279 мектептерде білім бөлімінің ұйымдастыруымен құқық бұзушылықтың және балалар мен жасөспірімдердің өмірі мен денсаулығының қауіпсіздігін сақтау бағытында бірлескен түсіндірме жұмыстарының кестесіне сәйкес, мамандардың қатысуымен түсіндірме жұмыстары өткізілді. Кездесуге Қармақшы АПб-нің ювеналды полиция тобының аға инспекторы, әйелдерді зорлық-зомбылықтан қорғау тобының инспекторы, аудандық психо - әлеуметтік кеңес беру кабинетінің дәрігері, ҚР ІІМ Байқоңыр қаласындағы өкілдігінің әкімшілік полиция бөлімінің Ювеналды полиция тобының инспекторы, Қармақшы аудандық білім бөлімінің әдіскері, білім беруді дамыту секторының кеңесші мамандары, ШЖҚ КМК “Байқоңыр қаласының көп бейінді" ауруханасының психологтары қатысып, өз салалары бойынша құқық бұзушылық, қылмыс және нашақорлықтың алдын алу, интернет қауіпсіздігі мен суицид, ерте жүктіліктің алдын алу бағытындағы ақпараттық түсіндірме жұмыстарын жүргізді. Шара барысында қонақтар өз салалары бойынша қазіргі таңда көкейтесті мәселелердің біріне айналып отырған тақырып төңірегінде түсіндірме жұмыстарын жүргізіп, өз ойларын ортаға салып, ақпараттар берді. Шара соңы сұрақ - жауапқа ұласып, оқушылар көкейлерінде жүрген сұрақтарына жауаптар алды.