Құқық бұзушылықтың алдын алу- басты мақсат
qarmaqshy-tany.kz Қармақшы ауданы Ахметжан Жанпейісов атындағы №105 мектеп-лицейінде 8-11 сынып оқушылары арасында аудандық білім бөлімінің ұйымдастыруымен құқық бұзушылықтың және балалар мен жасөспірімдердің өмірі мен қауіпсіздігін сақтау бағытында "Құқық бұзушылықтың алдын алу-басты мақсат" тақырыбында бірлескен түсіндірме жұмыстары өткізілді.
Кездесуге Қармақшы ауданының прокуратурасының прокуроры Е.Есетов, аудандық прокуратураның құқықтық статистика маманы Б.Рүстемов, Қармақшв АПб-нің ювеналды полиция тобының аға инспекторы полиция лейтенанты Қ.Еспанов, аудандық психо-әлеуметтік кеңес беру кабинетінің дәрігері А.Баймаханова, аудандық салауатты өмір салтын қалыптастыру маманы Д.Құлмырзаева, Қармақшы аудандық білім бөлімінің әдіскері А.Тоқшылықова арнайы қатысып, өз салалары бойынша құқық бұзушылық, қылмыс және нашақорлықтың алдын алу, интернет қауіпсіздігі мен ерте жүктіліктің алдын алу бағытындағы ақпараттық түсіндірме жұмыстарын жүргізді. Шара барысында қонақтар өз салалары бойынша қазіргі таңда көкейтесті мәселелердің біріне айналып отырған тақырып төңірегінде кеңінен түсіндірме жұмыстарын жүргізіп, өз ойларын ортаға салып, ақпараттар берді. Шара соңы сұрақ - жауапқа ұласып, кері байланыстар орнады, оқушылар көкейлерінде жүрген сұрақтарына жауаптар алды. Ақпараттық танымдық материалдар таратылды, бейнебаяндар көрсетілді.
