qarmaqshy-tany.kz Жосалы кенті орталығындағы №105 мектеп-лицейінің жоғары сынып оқушыларымен жасөспірімдердің өмірі мен денсаулығының қауіпсіздігін сақтау және қылмыстық құқық бұзушылықтардың алдын алуға бағытталған түсіндірме жұмыстары жүргізілді.

Түсіндірме жұмысының барысында Қармақшы ауданы прокурорының аға көмекшісі Е.Есетов, құқықтық статистика маманы Б.Рүстемов, Қармақшы ауданының Полиция бөлімінің кәмелетке толмағандар істері жөніндегі учаскелік полиция инспекторы полиция лейтенанты Қ.Еспанов, білім бөлімінің әдіскері А.Тоқшылықова, емхана дәрігері А.Балмаханова, емхана психологы Д.Құлмахановалар болып, жасөспірімдер арасында қылмыстың, құқық бұзушылықтың, нашақорлықтың алдын алу, кибербуллингтің зияндылығын ұғындыру, топтық төбелесті болдырмау жөнінде кеңінен түсіндірме жұмыстарын жүргізді.