Бүгін Қармақшы ауданы Дауылкөл ауылдық округінде медицина қызметкерлерімен маңызды кездесу өтті. Іс-шараға аудандық штаб мүшесі З. Тасымова қатысып, атом электр станцияларының қазіргі заманғы энергетика өндірісінің стратегиялық маңызды бөлігі болып табылатындығын атап өтті.

Сондай-ақ АЭС-тің жоғары көлемде энергия өндіру қабілетімен қатар, атмосфераға көмірқышқыл газының шығарылуын азайту арқылы экологиялық тұрақтылықты қамтамасыз ететінін ерекше атап көрсетті.

Кездесу барысында қатысушылар АЭС құрылысының ел экономикасы мен энергетикалық қауіпсіздігін нығайтудағы рөлін талқылап, оның экологиялық және экономикалық тиімділігіне ерекше назар аударды. Олар алдағы референдумда Қазақстанның энергетикалық дамуын жаңа белеске көтеретін, тарихи маңызды қадамды толық қолдайтындықтарын білдірді.