Қармақшы аудандық мәдениет және тілдерді дамыту бөлімінің қолдауымен аудандық «Ш.Төлепова атындағы мәдениет үйі» КМҚК-ның ұйымдастыруымен Қазақстан халықтарының тілдері күні мерекесіне орай «Ана тілім - ардақтым!» атты аудандық көркемсөз оқу шеберлерінің байқауы болып өтті. Байқауға кент, ауылдық клуб үйлері жанынан құрылған үйірмелерге қатысушы 16 өнерпаз қатысты.

 Байқауға "Қармақшы таңы" аудандық газетінің редакторы Сарсенкүл Райымбаева, аудандық мәдениет үйі әдістемелік кабинет меңгерушісі Аитов Берік, аудандық мәдениет үйі жанынан құрылған Халық театрының режиссері Махамбетов Мадияр қазылық етті. 

Қазылар алқасының шешімімен бас жүлдені Қуаңдария ауылынан Аймырзаева Айғаным, І орынды Ақжар ауылынан Сандыбайұлы Досымжан, ІІ орынды Алдашбай ахун ауылынан Молдабекова Әдемі және ІІІ Интернационал ауылынан Катипова Сабрина, ІІІ орынды Қармақшы ауылынан Аманова Айгүл және ІІІ Интернационал ауылынан Орынбасаров Нұрдәулет иемденді. Барлық қатысқан өнерпаздарға бағалы сыйлықтар мен дипломдар табысталды.