Көркем сөз оқу шеберлері сайысты

Қармақшы аудандық әкімдігінің қолдауымен «Ш.Төлепова атындағы мәдениет үйі» КМҚК-ның ұйымдастыруымен Қармақшы ауданының 95 жылдығы аясында Қазақстан халықтарының тілдері күні мерекесіне орай «Жырлаймын сені, Қармақшым!» атты аудандық көркемсөз оқу шеберлерінің байқауы өткізілген болатын. Өнер мен өркениеттің құт қазығы қағылған, киелі, қасиетті Қармақшы жерінің жастардың бойына қадір қасиетін түсіндіру, туған жерге деген сүйіспеншілікті арттыру мақсатында өткізілген байқауға ауданымыздағы мектептерден 20 оқушы өзара бақ сынасты.

Байқауға Халықаралық қазақ тілі қоғамдық қорының Қармақшы аудандық филиалының төрайымы Раева Гүлжаухар Төлегенқызы, аудандық мәдениет үйінің әдіскері Бекмаханова Күміс Ұзақбайқызы, аудандық мәдениет үйінің мәдени ұйымдастырушысы, "Көркемсөз оқу" үйірмесінің жетекшісі Әлиасқаров Нұркен Сейіткәрімұлы қазылық етті.

Қазылар алқасының шешімімен бас жүлдені Ақай ауылынан Әлиев Ақтілек,

І орынды Иіркөл ауылынан Асанова Жансая, ІІ орынды Тұрмағамбет ауылынан Жангелдіқызы Гүлсая және Төретам кентінен Тұрсынбекова Ақерке, ІІІ орынды Ақжар ауылынан Сандыбайұлы Досымжан және ІІІ Интернационал ауылынан Орынбасаров Нұрдәулет иемденді. Барлық қатысқан өнерпаздарға бағалы сыйлықтар мен дипломдар табысталды.