Қармақшы ханымы – 2023
qarmaqshy-tany.kz АУДАНДЫҚ МӘДЕНИЕТ ЖӘНЕ СПОРТ БӨЛІМІНІҢ ҚОЛДАУЫМЕН Ш.ТӨЛЕПОВА АТЫНДАҒЫ АУДАНДЫҚ МӘДЕНИЕТ ҮЙІНІҢ ҰЙЫМДАСТЫРУЫМЕН «ҚАРМАҚШЫ ХАНЫМЫ – 2023» АУДАНДЫҚ БАЙҚАУЫ ӨТКІЗІЛДІ.
Қазақ әйелдерінің мәртебесін арттыру, отбасы құндылығын қастерлеу, салт-дәстүрді насихаттау мақсатында өткізілген байқауға 7 талапкер қатысып, өзара бақ сынасты. Байқауға ардагер ұстаз, әжелер ансамблінің мүшесі Талмаш Жұмабаева, Халықаралық «Қазақ тілі» қоғамдық бірлестігінің аудандық филиалының төрайымы Гүлжауһар Раева, ардагер ұстаз Күләш Бисембаева қазылық етті. 5 кезең бойынша өткізілген байқауда қазылар алқасының шешімі бойынша бас жүлде Төребай би ауылынан келген Ұлбосын Молдахметоваға бұйырып, «Қармақшы ханымы – 2023» атанды. Ал жүлделі І орынды төретамдық Мақпал Жайлашова жеңіп алса, ІІ орын ІІІ Интернационалдық Гүлжан Әбдіроваға бұйырды. ІІІ орынды кент абыройын қорғаған Дина Төлегенова иеленді. Сондай-ақ қызылтамдық Жансая Жұмаш «Өнерлі ана» атанса, төретамдық Аида Оспанова «Шебер аспаз», Ақжар ауылынан келген Ақлимаш Әбілтаева «Үлгілі ана» номинациясымен марапатталды. Барлық қатысушыға диплом мен бағалы сыйлықтар табысталды.
«Қт» ақпарат
