Құрылысшыларға құрмет көрсетілді

Аудандық жыраулар үйінде құрыш қолды құрылысшылардың кәсіби мерекесіне орай салтанатты іс-шара өтті.

Мерекелік жиынға аудан әкімі Жандос Еркінбек қатысып, құрылысшылар қауымын төл мерекелерімен құттықтады. Сондай-ақ, қазіргі таңда ауданның барлық елді мекендерінде құрылыс жұмыстары жүргізіліп жатқандығын баса айтып, құрылыс саласында қарқынды даму бар екендігін жеткізді.

Одан соң, осы салада табысты еңбек етіп жүрген бірқатар сала қызметкерлері мен ардагерлерді арнайы алғыс хаттармен марапаттап, сый-құрмет көрсетті.

Шара соңында аудан өнерпаздары ән-жырдан шашу шашып, жиналған жұртшылыққа мерекелік көңіл күй сыйлады.