Құрылысшыларға құрмет көрсетілді

Қармақшы ауданы әкімі Жандос Еркінбек Құрылысшылар күні кәсіби мерекесіне орай аудандағы құрылыс саласының ардагерлері мен қызметкерлеріне құрмет көрсетті.

Мерекелік жиында, аудан басшысы құрылысшыларды төл мерекелерімен құттықтап, егемендік алған жылдары құрылыс саласының қарқынды дамуына сүбелі үлес қосқан аудан ардагерлеріне ризашылығын білдірді.

Сондай-ақ, қазіргі таңда ауданның барлық елді мекендерінде құрылыс жұмыстары жүргізіліп жатқандығын баса айтып, құрылыс саласында қарқынды даму бар екендігін жеткізді.

Одан соң, осы салада табысты еңбек етіп жүрген бірқатар сала қызметкерлері мен ардагерлерді арнайы алғыс хаттармен марапаттап, сый-құрмет көрсетті