Қармақшы ауданында жаңа кәсіпкерлік нысан ашылды

Бүгін аудан орталығы Жосалы кентінде бой көтерген «Мағжан» асханасының ашылу салтанаты өтті.

Жаңа ғимараттың ашылу салтанатына аудан әкімі Жандос Еркінбекұлы қатысып, жаңа нысанның тұрғындарға сапалы әрі тиімді қызмет көрсетуіне тілектестігін білдіріп, кәсіпкердің жұмысына сәттілік тіледі.

Сондай-ақ, мемлекет тарапынан кәсіпкерлік саласына ерекше ден қойылып, бизнесті дамытуға қолайлы жағдай жасалып, ауданымызда кәсіппен айналысуға ниетті азаматтар саны артып келетінін айтты.

Одан кейін еңбек ардагері Сариев Орынбасар батасын беріп, аудан ардагерлерімен бірге жаңа нысанның лентасын қиып, асхана жұмысымен танысты.

Жаңадан іске қосылғалы тұрған асхана ғимаратының жалпы сыйымдылығы бір мезетте 150 адамға дейін қабылдауға мүмкіндігі бар. Сонымен қатар асханаға 15 адам тұрақты жұмыспен қамтылатын болады.