Сурет салу байқауы өтті

Бүгін Қармақшы аудандық білім бөлімінің ұйымдастыруымен Жосалы кентіндегі «Ардагерлер саябағында «AMANAT» партиясы Қармақшы аудандық филиалының қолдауымен «Бақытты отбасы» жобасы аясында балалар (1-4 сынып) арасында сурет салу байқауы өтті.

Байқаудың ашылуын «AMANAT» партиясы Қармақшы аудандық филиалының төрағасы Әділ Үсенұлы Қошалақов сөз алып, байқауға қатысушыларға сәттілік тіледі. Сонымен бірге байқауға аудандық білім бөлімінің басшысы Г.Абдазиева қатысты.

Байқаудың мақсаты – талантты жастардың шығармашылық қабілетін шыңдап, өз белсенділігін көрсетуге мүмкіндік беру. Дарынды жастарды анықтау және көпшілікке шығармашылық шеберліктерін, қабілеттерін көрсетуге мүмкіндік жасау.

Байқау қатысушылары «AMANAT» партиясы Қармақшы аудандық филиалының алғыс хаттары және бағалы сыйлықтарымен марапатталды.