«Шексіз шығармашылық»

«Нұр Отан» партиясы Қармақшы аудандық филиалының «Кедергісіз келешек», «Бақытты отбасы-бақытты балалық шақ» партиялық жобасы аясында Қармақшы аудандық психологиялық-педагогикалық түзету кабинетінде мүмкіндіктері шектеулі балалар арасында «Шексіз шығармашылық» тақырыбында республикалық байқауы өткізілді. Байқауға «Жаңажол» ЖШС- нің төрағасы Төлепов Орынбасар демеушілік жасап қолдау көрсетті. Шараға «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық ішкі саясат бөлімінің бас маманы Нысанбаев Ғарышбек, аудандық білім бөлімінің маманы Тоқшылықова Ақтолқын «Жастар ресурстық орталығының» директоры Ыбрахым Әділ, психологиялық-педагогикалық түзету кабинетінің меңгерушісі Ләззат Мусаева және партия қызметкерлері мен аудандық психологиялық-педагогикалық түзету кабинетінің мұғалімдер және ата-аналар қатысты. Сонымен қатар «Нұр Отан» партиясы Қармақшы аудандық филиалы төрағасының бірінші орынбасары Дастан Әбдібекұлы балаларды құттықтап, ерекше балалар әрқашан қоғам назарынан тыс қалмайтынын айтып, өнерлеріне ризашылығын білдіре отырып, өнерпаз балаларды жоғары деңгейде қатысуына белсенділік танытып дайындаған ұстаздарды алдағы уақытта шығармашылық жұмыстарына сәттілік тіледі. Сөз соңында ата-аналар қуаныштарымен бөлісіп, ризалығын жеткізді.