Дәстүрді дәріптейтін этно - лагерь
Жаз айлары басталысымен барлық білім беру мекемелері жанынан жазғы тынығу лагері ашылады. Бұл - оқушылардың демалыс уақытын тиімді әрі қызықты өткізудің бірден-бір жолы.
Бүгін №107 орта мектебінде мектеп жанынан ашылған «Балдырған» жазғы этно-лагерінің ашылу салтанаты өтті.
Лагерьдің ашылу салтанатына Қармақшы аудандық білім бөлімінің басшысы Г.Абдазиева, Қармақшы ауданының құрметті азаматы, ардагер ұстаз Д.Жалғасбаева, Қармақшы ауданы бойынша"Қазақ тілі" қоғамының төрайымы Г.Раева, Қармақшы ауданы санитариялық эпидемиологиялық бақылау басқармасы басшысы Г.Төлепбергенова қатысып, балаларға жазғы демалыстарын көңілді, сәтті, қуанышты өткізулеріне тілектестігін білдірді.
Сонымен қатар мектеп ұжымы қатысушы қонақтарға жазғы тынығу лагері барысында мектеп ауласына киіз үй тігіліп, алты бақан, бес асық ұлттық ойындары және қазақы ұмыт қалған ата дәстүрлерді жаңғырту мақсатындағы ата-әжелердің құрақ құрау, ұршық иіру, қамшы өру барысындағы рухани-тәрбиелік мәні бар дәстүрлер көрсетіп, жазғы лагердің мақсат - міндетін айқындады.
