Қармақшы аудандық білім бөлімінің ұйымдастыруымен Шоқан Уәлиханов атындағы № 26 орта мектеп базасында лагерьге жауапты мамандар, мектеп медбикелері және аспазшыларға "Аудан бойынша білім беру ұйымдарында ұйымдастырылатын мектеп жанындағы күндізгі тынығу лагерьлері" тақырыбы бойынша семинар ұйымдастырылды.

Семинарда Қармақшы аудандық СЭББ санитариялық-гигиеналық бақылау және қадағалау, техникалық регламенттерді бақылау бөлімінің басшысы Атабаева Зәуре, бас маманы Қалдыбекова Айгерім және аудандық білім бөлімінің әдіскері Тоқшылықова Ақтолқын қатысып баяндама жасады.

Семинар барысында балалар үшін ұйымдастырылатын жазғы тынығу лагерлердің дұрыс әрі тиімді ұйымдастырылуы мен санитариялық-эпидемиологиялық бақылау басқармасы ұсынған алгоритмге сәйкес болуын басты назарда ұстау керектігі жөнінде ұсыныстар айтылды.