Барлық жақсылық балалар үшін
Бүгін Алдашбай Ахун ауылдық округінде "1 маусым - Халықаралық балаларды қорғау күні" қарсаңында «Балалы үй базар» атты салтанатты іс-шара ауылымызда жаңадан салынған балалар ойын алаңында өтті.
Жаңадан салынған балалар ойын алаңы Қармақшы ауданы әкімінің қолдауымен, аудандық мәслихат шешімімен, аудандық бюджеттен қаржы бөлініп, құрылыс жұмыстары толығымен аяқталып, бүгін салтанатты түрде ашылды. Іс-шара барысыда Ауыл әкімі Е.Жақанов, ардагерлер кеңесінің төрағасы Қ.Айтмаханов балаларды мерекелерімен құттықтап, тілектерін жеткізді. №10 бөбекжай-бақша бүлдіршіндері өнерлерін көрсетіп, ауыл әкімшілігі, ауылдық кәсіпкерлер Мүсілімов Серік және Қарамұрзаева Гүлнар, "Майлыөзек К" ЖШС-нің төрағасы М.Байтұрсыновтың демеушілігімен балаларға сусындар, балмұздақтар таратылды.
