«Бар мейріміміз балаларға»

1 маусым - Халықаралық балаларды қорғау күні мерекесіне байланысты Ақай ауылдық «Достық» саябағында «Бар мейріміміз балаларға» тақырыбында іс-шара өткізілді. Іс-шараға ауылдың барлық балалары қатысты. Сонымен қатар, ертегі әлеміндегі кейіпкерлер келіп балалармен бірге түрлі ойындар ойнап , би билеп, ән айтып, мерекелік көңіл күй сыйлап, балаларды қуанышқа бөледі. Іс-шараға қатысушы әжелерімізде «Халықаралық балалар күні әлемнің түкпір-түкпіріндегі балаларға қуаныш сыйлайтын мейрам ғана емес, кішкентай балалардың құқығын қорғап, оларға қамқор болуға, әлімжеттік, қысым жасамауға үндейтін мейрам. Қоғамда кемтар, жетім, тұрмысы нашар отбасынан шыққан балаларды қорғауға, қолдауға шақыратын күн» деп балаларды мерекелерімен құттықтады. Ауыл әкімінің ұйымдастыруымен және Жеке кәсіпкер Кенесбаева Дамира апайдың қолдауымен балаларға тегін балмұздақтар таратылды. Іс-шара концерттік бағдарлама ретінде жалғасын тапты.