Халықаралық балаларды қорғау күні
1 маусым халықаралық балаларды қорғау күні құтты болсын. Бүгін Дүр Оңғар ауылының орталық алаңында мерекелік шара өтті. Шараны ауыл әкімі Ә.Қоқанов ашып, кішкентай бүлдіршіндерді мерекесімен құттықтады. Сонымен қатар Жаңажол ЖШС-нің бас жоспарлаушы маманы Б.Рахуов, №107 орта мектептің директоры М.Жұматаев, №11 балабақшаның меңгерушісі Р.Сәметовалар бүлдіршіндерді мерекесімен құттықтады және Жаңажол ЖШС-нің демеушілігімен 26 бүлдіршінге ақшалай сыйлық берілді. №11 Балабақшаның ұйымдастыруымен бүлдіршіндер арасында спорттық ойындар ойнатылды. Үздік шыққан командаға бағалы сыйлықтар табысталды. Шара соңы жастардың мерекелік ән билерімен жалғасты.
