Аналар- асыл жандар

Иіркөл ауылдық округінің әйелдер кеңесінің төрайымы М. Әзбергенова, № 106 орта мектептің жоғарғы санатты бастауыш сынып мұғалімі Г. Нұрмаханова, Иіркөл ауылдық клуб үйінің меңгерушісі Р. Райханованың ұйымдастыруымен 1-2 сынып оқушыларының ата-аналарының қатысуымен «8 наурыз – Халықаралық әйелдер күні» мерекесі қарсаңында «Аналар- асыл жандар!» атты мерекелік сайыс өткізілді.
Мерекелік шараға ауылымыздың тумасы, ауданға белгілі кәсіпкер Рабиға Балғабаева апайымыз қатысып, іс-шараның жақсы деңгейде өтуіне өзінің перзенттік үлесін қосып, 70 жастан асқан 26 ақ жаулықты аналарымызға сый сияпат көрсетіп, сайысқа қатысқан 20 өнерпаз аналар мен 3 мұғалімге сыйлықтар табыстады. Ауыл әкімі Б. Қалдашбаев сайысқа қатысқан өнерпаздар мен демеушілік көрсеткен Рабиға апайымызға алғыс хат табыстап, ақ жаулықты аналарымызды мерекелерімен құттықтады.