Жас түлек – жаңа Қазақстанның ертеңі
Он бір жыл мектепте оқып, ата-ана мен ұстаздарының қуанышы болған мектеп бітіруші түлектер –ауданымыздың ғана емес, еліміздің ертеңгі болашағы әрі мақтанышы. Олардың болашағынан ел-жұрты үлкен үміт күтеді.
Осы орайда биылғы жылы Қармақшы аудан бойынша 15218 оқушы білім алса, оның 685 оқушысы 11-сыныпты бітіріп отыр.
Бүгін елімізде мектеп бітіруші түлектер үшін «Мектебім, саған мың алғыс!» тақырыбындағы мектеп бітірушілер іс-шарасы өткізілді.
Оқу-жылының қорытындысында өткізілген жиынның мақсаты - балаларды ұстаздарды құрметтеуге, ұшқан ұясына қамқор болуға, алған білімдерін пайдалана алуына, әр бір істің нәтижесін қорытындылай білуге, адал азамат болуға тәрбиелеу.
Барлық мектеп бітіруші түлектерді оқу жылының аяқталуымен құттықтай отырып, алдағы өмірлеріне ақ жол тілейміз!
Қармақшы ауданы бойынша білім бөлімі
