Бүгін еліміздің барлық өңіріндегідей ауданымызда да мектеп бітіруші түлектер Ұлттық Бірыңғай тестілеу сынағын тапсыруды бастады.

Тәйімбет Көмекбаев атындағы №250 мектеп-лицей базасында басталған ҰБТ сынағына қатысушыларды аудан әкімі Мақшов Сұлтан Ысқақұлы құттықтап, сәттілік тіледі.

Жосалы кентіндегі №250 мектеп-лицей базасында орналасқан Ұлттық Біріңғай Тестілеу орталығында 224 бітіруші бағын сынаса, Ақай ауылындағы №99 мектеп базасында Байқоңыр қаласындағы мектеп бітірушілерді қосқанда 190 оқушы арнайы жабдықталған аудиторияларда ұлттық біріңғай тест тапсыруда.

Жалпы аудан бойынша биылғы оқу жылында мектепті 484 түлек бітірсе, оның 414-і ҰБТ тапсыруға өтініш білдірген.

Ауданымызда биылғы түлектердің 26-сы «Алтын белгінің», 16 түлек «Үздік аттестаттың» иегері болды.

Бүгінгі тест тапсыруда да біздің түлектеріміз оқыған мектебі мен ұстаздарының ата-аналарының зор сенімінен шығып, жоғары оқу орындарының грантына ие болып, аудан мақтанышына айналады деген сенімдеміз.