Аудан көлемінде мектеп бітіруші түлектерге арналған аттестат тапсыру салтанатты шарасы өтті. Биылғы жылы мектепті аудан бойынша 652 түлек бітіріп шықса, 460 оқушы ҰБТ-ға қатысады деп күтілуде. Қазір ауданда 25 алтын белгі мен 17 үздік аттестат иегері бар. 
Т.Көмекбаев атындағы №250 мектеп-лицейді бітіруші түлектерді аудан әкімінің орынбасары Еркебұлан Меңлібаев құттықтап, ата-аналар мен ұстаздар қауымына жылы лебізін білдірді. Қазіргі таңда 8 түлек «Алтын белгі», 5 түлек «Үздік аттестат» иегері атанып отыр. Олар сапалы білім-саналы тәрбие берген ұстаздардың еңбегін, аялап өсірген ата - аналарының үмітін ақтады деген сөз.