Қармақшыда отбасы күні аталып өтті
Кеше 15 мамыр – Халықаралық отбасы күніне орай аудан әкімінің орынбасары Самат Қыдырбекұлы үлгілі, өнегелі, мерейлі отбасыларды қабылдап, мерекемен құттықтады.
Аудан әкімінің орынбасары отасқандарына 50 жыл толған алтын шаңырақты, 25 жыл толған күміс керегелі, еңбегімен елге танылған еңбек отбасылары мен көп балалы және ерекше бала тәрбиелеп отырған рухты отбасыларға аудан әкімінің ыстық ықыласы мен құттықтауын жеткізіп, сый-сияпатын тапсырды.
Кездесуде аудандық әйелдер кеңесінің төрайымы Күлжауһар Төлегенқызы марапат төрінен көрінген отбасыларды мерейлі мерекемен құттықтап, ізгі лебізін білдірді.
