Статистика күні аталып өтті

Статистика күніне орай аудан әкімінің орынбасары Жұлдызхан Байназарұлы сала қызметкерлерін қабылдап, кәсіби мерекелерімен құттықтады.

Іс-шара барысында аудан әкімінің орынбасары биылғы жылы өткен Ұлттық халық санағы жұмыстарында статистика саласы қызметкерлерінің қосқан еңбектері зор екендігін жеткізіп, алдағы жұмыстарына сәттілік тіледі.

Сондай-ақ, іс-шарада осы салада ұзақ жылдар бойы абыроймен қызмет жасап келе жатқан қызметкерлерге аудан әкімінің «Алғыс хаты» тапсырылып, құрмет көрсетілді.

Аудандық статистика басқармасының басшысы Кенжебек Ерманұлы өз кезегінде әріптестерін мерекемен құттықтап, ұйымдастырушыларға алғысын білдірді.