Аудан әкімінің орынбасары Жұлдызхан Байназарұлы «Орман шаруашылығы қызметкерлері күні» кәсіби мерекесіне орай сала ардагерлері мен қызметкерлерін құттықтады.

Аудан әкімінің орынбасары ауданның экологиялық жағдайын жақсартуда орман шаруашылығының қызметі ерекше екендігін атап өтті.

– «Атадан мал қалғанша, тал қалсын» дейді даналарымыз. Қазақстанның шөлді аймағында орналасқан біздің аудан үшін орман шаруашылығы қызметкерлерінің алар орны ерекше. Осы мерекелік кездесуді пайдалана отырып, Сіздерге алғысымды білдіремін және алдағы уақытта да орман шаруашылығын дамытуға барлық күш-жігерлеріңізді жұмсай беретіндеріңізге сенім білдіріп, қиындығы мен қызығы қатар жүрген еңбектеріңізге толағай табыс, шаңырақтарыңызға шаттық, құт-береке тілеймін, – деді аудан әкімінің орынбасары Ж.Ерқосаев.

Салтанатты жиын соңында сала үздіктері аудан әкімінің «Алғыс хатымен» марапатталды.