Қармақшыда отбасы күніне арналған брифинг өтті
qarmaqshy-tany.kz Бүгін аудан әкімдігінде 15 мамыр – Халықаралық отбасы күні және «Мерейлі отбасы» ұлттық байқауына байланысты арнайы БАҚ өкілдеріне брифинг ұйымдастырылды.
Брифинг жұмысына аудан әкімінің орынбасары Жұлдызхан Байназарұлы қатысып, барша тұрғындарды мерейлі мерекемен құттықтап, аудан бойынша Халықаралық отбасы күнін мерекелеу аясында өткізілетін мәдени-көпшілік іс-шаралар туралы сөз қозғады.
Сондай-ақ, ағымдағы жылдың 15 мамыр – 15 маусым күндері аралығында өтетін «Мерейлі отбасы» ұлттық байқауының аудандық кезеңін ұйымдастыру жөніндегі мәселелерге тоқталып, ауданымыздың барлық отбасыларын осы байқауға қатысуға шақырды.
