Қасиетті Қадір түнінде аудан әкімі Жандос Еркінбекұлының атынан ауызашар берілді.

Ауызашарға Қармақшы ауданы бойынша мекеме басшылары, депутаттар, ардагерлер, көп балалы аналар және мешіт жамағаты қатысты.

Сондай-ақ ауызашарға облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай қатысып, аймақ басшысы Нұрлыбек Машбекұлының Қадір түнімен құттықтауын жеткізді.

Ауызашарға қатысушылар еліміз бойынша төнген қауіптен аман есен шығып, су басқан аумақтың халқына сабыр тілеп, мемлекетіміздің жарқын болашағы үшін дұға оқып, халқымызға, әр отбасына бақ-береке тілеп, тарасты.