Ауыл әкімінің ұйымдастыруымен барлық мекеме басшыларының қолдауымен «Игілік» тойханасында ауыз бекіткен ауыл ақсақалдарына, тыл ардагерлеріне, кәсіпкерлерге арнап ауызашар берілді.

Ауызашарға ауыл әкімі Г.Умарова, мекеме басшылары, тыл ардагерлері, үкіметтік емес ұйым жетекшілері, кәсіпкерлер мен мешіт жамағаты қатысты.

Ауызашар рәсімі қасиетті Құран-Кәрім оқумен басталды. Мұнан кейін «Ақсақалдар алқасы» ҚБ-ні төрағасы Ж.Қыпшақбайұлы, сөз сөйлеп, ауызашар ұйымдастырушыларға алғыстарын білдірді.

Сауабы мол шарада игілікті іске бастамашы ауыл әкіміне жиналғандар атынан Жанасова Загираш алғыс айтып, жұмыстарына сәттілік тіледі.

Ауыл мешітінің бас имамы А.Нургалиев Құран-Кәрім оқып, сауабын марқұм болып кеткен ата-бабалар рухына бағыштады.