Мерекеге арналған іс-шара

Ақай ауылдық округінде 7 мамыр – Отан қорғаушылар күні және 9 мамыр - Ұлы Жеңіс күні мерекелеріне арналған іс-шара өткізілді.

Достық саябағында орналасқан мәңгілік алауға ауыл әкімі, тыл ардагерлері, ауыл ақсақалдары және мекеме басшылары еске алу мақсатында гүл шоғын қойып, құран бағыштады. Шара барысында ауыл әкімі Г.Умарова, «Ақсақалдар алқасы» ҚБ төрағасы Ж.Қыпшақбайұлы сөз сөйлеп, жиналғандарды мерекемен құттықтап, соғыс жылдарында аянбай еңбек еткен және өз Отаны үшін өмірін қиған азаматтардың еліктерін мәңгі есте сақтау қажеттігін айтып өтті. Бұдан бөлек, мәңгілік алау жанында мектеп оқушыларымен дайындалған бағдарламары да қойылды. Салтанатты іс-шара клуб үйі қызметкерлерімен дайындалған концерттік шараға ұласты. Сонымен қатар ақпан айында өмірден өткен соғыс ардагері, Байқоңыр қаласының құрметті тұрғыны Қ.Жарманов атамызды еске алу мақсатында ауылдық округтің бас имамы жанұясында құран бағыштады.