Айлардың сұлтаны Рамазан айында Қармақшы ауданы бойынша білім бөлімі және аудандық кәсіподақ кәмитетінің ұйымдастыруымен 18-19 наурыз күндері Жосалы кенті мен Төретам және Ақай елді мекен тұрғындарына ауызашар берілді.

Ауызашар шарасына білім саласының ардагерлері, аудан бойынша зиялы қауым өкілдер мен ұстаздар қауымы қатысты.

Бөлім басшысы Гульзира Абдазиева жұртшылыққа бірлік пен береке, мейірім мен ізгілік, қанағат пен сабыр салтанат құратын қасиетті уақытта жасаған қайырым, дұға-тілектерінің қабыл болуын тілеп, ізгі ниетін жеткізді.