ӘЙЕЛДЕР АРАСЫНДА САЛТ-ДӘСТҮРГЕ САЙ РУХАНИ КЕШ ӨТКІЗІЛДІ
Қызылорда облысы, Қармақшы ауданы “Қармақшы ата“ мешітінің әйел-қыздар секторының жетекшісі Меңдібаева Махаббат ұстаздың ұйымдастыруымен ұлт мерекесі 22 наурыз мерекесімен ұштастырып, “БЕРЕКЕЛІ РАМАЗАН!“ атты рухани кеш болды.
Рухани кешіміз қасиетті Құран Кәрімді оқумен бастау алды. Қазақтың салт-дәстүрі “Бесік сатып алу мен бесікке салу“ рәсімі көрсетілді. Сонымен қатар рамазан айына қатысты виктариналық сұрақтар қойылып, интелектуалды ойындар өткізілді.
Этникалық-моральдық өлең, жырлар айтылды. Кешіміздің дрес коды болған қазақи нақышта киініп келумен қатар “Үздік ана образы”, “Үздік ене образы“ мен “Үздік келін образы“ номинацияларымен марапатталды.
Кеш соңында шәкірттер арасында мейірімділікті арттыру мақсатында “Жүрек жылуы" шаттық шеңбері ұйымдастырылып, бір-біріне деген жылы лебіздерін, дұға тілектерін білдірді. Кеш ақ жаулықты әжеміздің ақ батасымен аяқталды.
© Аудандық "Қармақшы ата" мешітінің баспасөз қызметі
