РАҚЫМ АЙЫ – РАМАЗАН ҚҰТТЫ БОЛСЫН!

Құрметті мұсылман бауырлар, отандастар!

Рамазан - он екі айдың сұлтаны, берекелі де кешірімі мол ай. Күнделікті тіршілік қамымен жүретін пенденің жүрегіне бұл айда иман нұры құйылады. Өйткені, ораза адамды тақуалыққа тәрбиелейді. Сабырлық, қайырымдылық, мейірімділік, бауырмалдық секілді адамдық асыл қасиеттер артып, иман күшейеді. Рамазан - Алланың мейірімі төгіліп, жұмақтың есігі айқара ашылатын, иманды күшейтуге мүмкіндік берілген берекелі ай.

Биыл сәуір айына сәйкес келген Рамазан айында ұстаған оразамыз, жасаған дұға-тілектер, құлшылық-ғибадаттарымыз, әрбір қайырлы амалдарымыз қабыл болғай!

Алла Тағала әрбіріміздің отбастарымызға амандық, тірлігімізге береке-бірлік нәсіп еткей!

Тәуелсіздігіміз баянды, еліміз аман, жұртымыз тыныш болғай!