Іскер әйелдерді құттықтады
Қармақшы ауданы әкімі Жандос Еркінбек 8 наурыз – Халықаралық әйелдер күні мерекесіне орай ауданның іскер әйелдерін қабылдады.
«Баршаңызды шұғылалы көктемнің шуағымен қатар келген 8 наурыз – Халықаралық әйелдер күнімен шын жүректен құттықтаймын! Сіздер әр түрлі салаларда ерекше қабілетімен танылып, жемісті еңбек етіп келесіздер. Өздеріңіз ауданымыздың тыныс-тіршілігінің басы-қасында жүріп, бірлік пен тұрақтылықтың сақталуына, өңіріміздің дамуына үлес қосудасыздар. Мерейлі мерекеде Өздеріңізге мықты денсаулық, еңбектеріңізге табыс,отбасыларыңызға амандық, елімізге береке-бірлік тілеймін!», – деді Жандос Еркінбекұлы.
Мерекелік қабылдауда аудан басшысы іскер әйелдерді мерейлі мерекемен құттықтап, сый-сияпат жасады.
Ⓒ Қармақшы ауданы әкімінің баспасөз қызметі
