Ардагер аналарды құттықтады

Бүгін аудан әкімі Жандос Еркінбек 8 наурыз – Халықаралық әйелдер күні мерекесіне орай ардагер аналарды қабылдады.

«Баршаңызды 8 наурыз – Халықаралық әйелдер күнімен шын жүректен құттықтаймын! Сіздер ұрпақ тәрбиелеу арқылы тұтас ұлтты тәрбиелеп, елдің болашағын қалыптастыруға тікелей үлес қосып отырсыздар. Мереке қарсанында ауданның ардагер аналарымен кездесіп, абыройлы істермен, жастарға берген үлгі өнегесімен елге танымал болған өздеріңізге құрмет көрсету мақсатында осындай қабылдау жасауды жөн көрдім. Бүгінгі қабылдауда ортамызда «Батыр аналар», Тыл және Еңбек, білім мен мәдениет саласының ардагерлері отыр. Осы тұста қасиетті ауданның жеңістері мен жетістіктеріне әйелдердің де сіңірген еңбегі орасан екенін ерекше атап өткім келеді», – деді Жандос Еркінбекұлы.

Мерекелік қабылдауда аудан басшысы ардагер аналарды мерейлі мерекемен құттықтап, сый-сияпат жасады.

Ⓒ Қармақшы ауданы әкімінің баспасөз қызметі