«Жарқын Тұрмаханұлы аудан әкімінің орынбасары қызметінде 4 жылдан аса абыроймен қызмет атқарды. Ауданымыздағы білім, денсаулық сақтау, мәдениет, ішкі саясат және әлеуметтік салаларына жетекшілік жасады. Жарқын Тұрмаханұлы аудан әкімінің орынбасары қызметін атқарған уақыттарында ауданның әлеуметтік-экономикалық дамуына үлес қосты. Атап айтқанда, «Жайлы мектеп» ұлттық жобасы бойынша екі мектептің құрылысы басталды.

2023 жылы жаңадан 3 дәрігерлік амбулатория салынып, ел игілігіне берілді. Коронавирус індеті өршіп тұрған кезде індеттің алдын алу, эпидемиологиялық ахуалдың тұрақтылығын қамтамасыз ету үшін аянбай еңбек етті», – деді Жандос Еркінбекұлы.