Апта аяғында аудан әкімі Жандос Еркінбектің төрағалығымен актив отырысы өтті. Жиында аудан әкімінің орынбасары Жұлдызхан Ерқосаевты жаңа қызметке шығарып салды.

«Жұлдызхан Байназарұлы ауданда 4 жыл абыроймен қызмет атқарды. Оның 1 жылға жуық уақытында аудан әкімі аппаратының басшысы қызметінде болды. Жұмысты ұйымдастыру қабілеті мен білім-біліктілігі ескеріліп, 2021 жылдың ақпан айынан бастап аудан әкімінің орынбасары қызметіне тағайындалды. Қызмет барысында аудандағы экономика, қаржы, кәсіпкерлік, ауыл шаруашылық, ветеринария салаларына жетекшілік жасады. Жұлдызхан Байназарұлы аудан әкімінің орынбасары қызметін атқарған уақыттарында ауданның әлеуметтік-экономикалық дамуына едәуір үлес қосты» деді Жандос Еркінбекұлы.

Аудан басшысы осы салада атқарған еңбегі үшін Жұлдызхан Байназарұлын ауданның ең жоғары «Құрмет грамотасымен» марапаттады.