qarmaqshy-tany.kz Жуырда аудан әкімі Жандос Еркінбектің төрағалығымен актив отырысы өтті. Мәжіліске аудан әкімінің орынбасарлары, дербес бөлімдер мен мемлекеттік мекеме басшылары және кент, ауылдық округ әкімдері қатысты.

Жиында аудан басшысы бірқатар кадрлық тағайындаулармен таныстырды. Жаңа қызметке аудандық қорғаныс істері бөлімінің бастығы лауазымына майор Дастан Байдаулетов және Жосалы обаға қарсы бөлімшесінің басшысы болып Ердос Зерханұлы тағайындалды.

Мұнан соң, аудан әкімі 2023 жылғы 19 наурызда өткен Парламент Мәжілісі мен Мәслихат депутаттарының сайлауын өткізуге атсалысқан азаматтарға алғысын жеткізіп, ауданның әлеуметтік-экономикалық дамуындағы маңызды мәселелер бойынша жауапты сала басшыларына бірқатар тапсырмалар жүктеді.