Аудан әкімдігінде актив отырысы өтті

qarmaqshy-tany.kz Аудан әкімі Жандос Еркінбектің төрағалығымен актив отырысы өтті. Мәжіліске аудан әкімінің орынбасарлары, дербес бөлімдер мен мемлекеттік мекеме басшылары және кент, ауылдық округ әкімдері қатысты.

Актив отырысында аудан басшысы бірқатар кадрлық тағайындаулармен таныстырды. Аудандық қорғаныс істері бөлімінің бастығы болып майор Байдаулетов Дастан Әмірханұлы тағайындалса, Жосалы обаға қарсы бөлімшесінің басшысы болып Зерханұлы Ердос тағайындалды.

Одан соң, аудан әкімі 2023 жылғы 19 наурызда өткен Парламент Мәжілісі мен Мәслихат депутаттарының сайлауын өткізуге атсалысқан азаматтарға алғысын жеткізіп, ауданның әлеуметтік-экономикалық дамуындағы маңызды мәселелер бойынша жауапты сала басшыларына бірқатар тапсырмалар жүктеді.