ЖОСАЛЫ, 23 қараша - qarmaqshy-tany.kz Аудан әкімінің орынбасары, аудандық мерзімді әскери қызметке шақыру комиссиясының төрағасы Ж.Омаровтың төрағалығымен аудандық қорғаныс істері жөніндегі бөлімінің ғимаратында күзгі мерзімді әскери қызметке шақыру жұмыстарын жандандыру, алдағы уақытқа жоспарланған жұмыстар бойынша мәжіліс өтті.
Мәжіліске аудандық қорғаныс істері жөніндегі бөлімінің бастығы, аудандық полиция бөлімінің өкілі, аудан әкімі аппаратының қызметкерлері және аталған жұмыстарға жауапты кент, ауылдық округтердің мамандары қатысты.
Мәжіліс барысында Ж.Омаров күзгі мерзімді әскери қызметке шақыру бойынша ауданымызға берілген тапсырысты толығымен орындауға байланысты тиісті тапсырмаларын берді.
Қармақшы ауданы әкімінің баспасөз қызметі