Ауданда облыс әкімінің бірінші орынбасары жұмыс сапарымен болды
Облыс әкімінің бірінші орынбасары Данияр Жаналинов Қармақшы ауданында жұмыс сапарымен болды.
Жұмыс сапары барысында аудандық білім бөліміне қарасты «Айгөлек» балабақшасы ғимаратының жай күйімен танысты. Шараға аудан әкімінің орынбасарлары, бөлім және сала басшылары, мердігерлер мен БАҚ өкілдері қатысты.
Қазіргі уақытта «Айгөлек» балабақшасының ғимараты апатты ретінде танылып, уақытша көшірілген болатын. Облыс әкімінің бірінші орынбасары Данияр Жаналинов ғимараттың жай күйімен толық танысып, мәселені шұғыл шешуге тиісті тапсырмалар берді. Алдағы уақытта жауапты мердігерлермен кездесулер өткізіліп, мәселенің шешімі анықталады.
Жұмыс сапары III Интернационал ауылдық округінде орналасқан «Тұрған Тамы» шаруа қожалығы балық цехының жұмысымен танысумен жалғасты.
Облыс әкімінің бірінші орынбасары Данияр Жаналинов жұмыс сапарының қорытындысы негізінде тиісті тапсырмалар беріп, күрделі мәселелерді назарына алатынын жеткізді.
Ⓒ Қармақшы ауданы әкімінің баспасөз қызметі
