Облыс әкімінің орынбасары ауданда болды
ЖОСАЛЫ, 5 маусым – qarmaqshy-tany.kz Қызылорда облысы әкімінің орынбасары Серік Жүсіпұлы ауданда жұмыс сапарымен болып, жаз-қыс мезгілдерінде балалар демалысына арналған лагерь құрылысының барысымен танысты, деп хабарлайды аудан әкімінің баспасөз қызметі.
Аудан әкімдігінде аудандағы мемлекеттік бағдарламалардың жүзеге асырылу барысы туралы және Жосалы кентін газдандыру мен коммуналдық шаруашылық саласының жай–күйі жайында мәжіліс өткізілді.
Мәжілісте аудан әкімі Мұса Оспанұлы мемлекеттік бағдарламалардың шеңберінде аудандағы іске асырылатын жобаларға тоқталып өтті.
Сонымен бірге мәжілісте салалық басқарма басшылары Қармақшы ауданында атқарылып жатқан жұмыстар мен түйінді мәселелерге тоқталды.
Жиын соңында облыс әкімінің орынбасары тиісті басқарма басшылары мен аудан әкімдігіне бірқатар тапсырмалар жүктеді.
