Аудан басшысы қосалқы станцияларды аралап, бірқатар нысандардың жұмысымен танысты

qarmaqshy-tany.kz Бүгін аудан әкімі Әділбек Ерсұлтанов облыс әкімінің жедел жиында берген тапсырмаларының орындалуын қамтамасыз ету мақсатында тиісті сала мамандарымен бірге Жосалы кентіндегі Н.Айсауытов көшесінде орналасқан 10/04 кВ №220, Х. Жомартов көшесінде орналасқан 10/04 кВ №112, Т.Көмекбаев көшесінде орналасқан 10/04 кВ №8, Т.Ізтілеуов көшесінде орналасқан 10/04 кВ №9 қосалқы станциялардың жай-күйімен танысты.

Аудан әкімі жауапты сала басшыларына аудан тұрғындары үшін өте қажетті жарық, су, жылудың халыққа үздіксіз берілуі және тұрақты жұмыс жасауы бағытында нақты тапсырмалар берді. Сонымен қатар бірінші кезекте жөндеуді қажет ететін электр желілерін жөндеуден өткізу және облыстық энергетика және тұрғын-үй коммуналдық-шаруашылық басқармасына тиісті ұсыныстар беруді тапсырды.

Жұмыс сапары барысында кент орталығындағы Д.Мырзағалиева көшесінің бойында орналасқан және Қорқыт станциясындағы балалар ойын алаңының жұмысымен танысқан аудан әкімі балалар игілігі үшін жасалатын әрбір жұмыстың басты назарда болу қажеттігін айтты.

Сонымен қатар Е.Сексенбаев көшесіндегі абаттандырылған саябақтың жәй-күйімен танысып, құрылысы жүріп жатқан денешықтыру-сауықтыру кешенінің жұмыс барысын зерделеді, мердігерлерге құрылыс жұмыстарының сапалы, әрі талапқа сай жүргізілуін міндеттеді.

Бұдан соң Қорқыт станциясы тұсындағы Сырдария өзенінің жай-күйімен танысып, су тасқынының алдын алу бағытында тиісті мекеме басшыларына қауіпсіздік шараларын қабылдауды және ұдайы бақылауда ұстауды тапсырды.