qarmaqshy-tany.kz Кеше аудан әкімі Әділбек Ерсұлтанов тиісті сала мамандарымен бірге Жосалы кенті аумағында орналасқан бірқатар нысандарды аралап, олардың жай-күйімен танысты.

Ең алдымен Жосалы кентіндегі қосалқы станциялардың жұмысымен танысқан аудан басшысы жауапты сала басшыларына қосалқы станциялардың тұрақты және іркіліссіз жұмыс жасауын, сонымен қатар бірінші кезекте жөндеуді қажет ететін электр желілерін жөндеуден өткізу туралы нақты тапсырмалар берді.

Содан соң, бөгеу жұмыстары жүргізілген «Қожатай» су тоспасының жәй-күйін бақылап, жеке кәсіпкер Ш.Күзембаеваның жайылымдық жерімен танысты.

Кент орталығындағы Д.Мырзағалиева көшесінің бойында орналасқан балалар ойын алаңын аралаған аудан әкімі бұдан соң Қорқыт станциясына барып, станциядағы су қорғау аймағының жұмысын қадағалап, балалар игілігі үшін жасалған ойын алаңын көрді.

Жұмыс сапарын жергілікті ардагерлермен еркін кездесумен түйіндеген аудан басшысы атқарылған жұмыстар мен алдағы міндеттер туралы айтып, ардагерлердің талап-тілектері мен ұсыныс-пікірлері бақылауда болатынын жеткізді.