Ақ боранның бұғауы

Әне-міне дегенше қыстық соңғы айына келіп жатырмыз. Бүгінде аяз бен боранның табы білінеді. Ысқырған жел қардың үйінді қылып есікті де әрең ашып жатырмыз. Мұндай қалың қар соңғы жылдары Қармақшыда болған емес. Ақпанның ақ түтек бораны қарқын алғандай. Желкеден кіріп, тұла бойыңды тілгілеп, жаныңды көзіңе көрсетіп, балағыңнан бір-ақ шығар аяз да сезіледі. Соның салдарынан өңірімізде 0-4 бастауыш сыныптар оқуышалары қашықтан оқиды.

Жолдағы қозғалысты да бөгеп тұр.  Жолаушылар қатты аяз, қарлы боран, көктайғаққа қарамай, төтенше жағдайлар басқармасы жіберетін хабарламаларға ден қоя бермейді. Ескертпеге құлақ аспағанның  салдарынан түрлі жол-көлік оқиғасы да орын алуда. Сондықтан ауа-райы қолайсыздығын жеткізген хабарламаға немқұрайлы қарамайық!