Қармақшы ауданы басшысы Жандос Еркінбектің қатысуымен салтанатты жиын өтті.

Жиында аудан әкімі 2023 жылы ауданымыз үшін толайым табысқа толы, жемісті жыл болғандығын айтты. Сондай-ақ макроэкономикалық көрсеткіштерде оң динамика қалыптасып, облыс бойынша ауданымыз алдыңғы қатарға орналасқанын жеткізді.

Осы ретте, сала мамандарына қажырлы еңбектері үшін шынайы ризашылығын білдіріп, 2023 жылы атап өтілген маңызды іс-шараларды ұйымдастыруға белсенді ат салысқан азаматтарды марапаттады.

Сонымен қатар, іс-шарада мәслихат төрағасы Ә.Қошалақов, қоғамдық кеңес төрағасы Ә.Құлдүйсенов және ардагерлер кеңесінің төрағасы А.Мереков құттықтау сөз сөйлеп, ізгі лебіздерін білдірді.