Қармақшыда Тәжік-Ауған соғысы ардагерлеріне құрмет көрсетілді
qarmaqshy-tany.kz Қармақшы ауданы әкімі Жандос Еркінбектің қатысуымен Тәжік-Ауған шекарасындағы әскери қақтығыстарға қатысқан ардагерлерді құрмет көрсету іс-шарасы өтті.
Жиынға ауданнан Тәжік-Ауған шекарасының жауынгерлік қимылдарына және әскери қақтығыстарға қатысушылар, аудандық мәслихат төрағасы, аудандық ардагерлер кеңесінің төрағасы, ардагерлер, ҮЕҰ өкілдері қатысты.
Аудан басшысы жиынның алғы сөзінде Тәжік-Ауған шебінде бітімгершілік мінддеттерін адал атқарып, көрсеткен айбынды ерліктері үшін алғысын жеткізіп, жауынгер ардагерлерге арнайы «Тәжік-Ауған шекарасындағы қызметі үшін» мерекелік медалімен марапаттап, алғыс хаттар табыстап, сый-сияпат жасап, құрмет көрсетті.
Одан соң, аудандық мәслихат төрағасы Әділ Қошалақов пен аудандық ардагерлер кеңесінің төрағасы Асқар Мереков құттықтау сөз сөйлеп, ізгі лебіздерін білдірді.
Құттықтау легін Тәжік – Ауған шекарасында жауынгерлік қимылдарына және әскери қақтығыстарына қатысушылардың аудандық бірлестік төрағасы Жанболат Қосқожаев жалғастырып, іс-шараны ұйымдастыруға мұрындық болған азаматтарға ризашылығын жеткізді.
Сонымен қатар, іс-шара барысында аудан өнерпаздары іс-шараның шырайын ән мен күймен өрнектеп, жиналғандарға көтеріңкі көңіл күй сыйлады.
https://www.instagram.com/p/CrGNmlnNDoV/?utm_source=ig_web_copy_link
