Семинар «Ерте, ерте, ертеде...» атты мектеп оқушыларының ертегісімен басталды. Кітап патшайымы қызы екеуі келіп, уәзірлерімен семинарға келген қонақтарды күтіп алып, қазіргі ХХІ ғасыр дәуіріндегі жаңаша жұмыстарды көрсетумен бас тады. Бастауыш сынып оқушылары флешмоб билеп, кітаптармен таныстырды.

«Мектеп кітапханасы және кітап оқу: мәселелер, жаңа тәсілдер, даму перспективалары» атты жұмыстың жаңа түрлерімен облыстық оқу орталығы «Қосымша білім беру» бөлімінің меңгерушісі Г.Ақмырзаева таныстырылым жасады. Мектептегі кітапхана меңгерушісі Ж.Нәрікбаева «Кітапхана қызметіндегі цифрлық технологиялар» тақырыбында жұмыс көрсетті.

«Кітап – шебер ұстаз, тілсіз мұғалім» практикалық бөлімі бойынша «Мен едім көкке бойлай жанған жалын» атты 10 «Б» сынып оқушысы Е.Жалғасбаевтың кітабының тұсаукесері өткізілді. Оған ата-анасы және келген қонақтар қатыса отырып, әкесі мен қонағымыз Гүлайым апай кітаптың тұсауын кесті.

«Оқуға құштар мектеп» жобасы аясында түсірілген «Дана бала» атты кинофильмнің тұсаукесері көрсетілді. Кинофильмге мектеп мұғалімдері мен оқушылары түсірілді. Бас продюссері мектеп директоры Шаттық Шыңғысова кино желісін өз күшімен жасап ұсынды. «Өмірде өшпес із қалдырған ұлы ақындар» тақырыбында монолог оқу ұйымдастырылды. Оған мектептің 12 оқушысы қатысып, келген қонақтардың алғысына бөленді. Монолог оқу кезеңінде оқушылар бір- бірінен қалыспай, өз шеберліктерін көрсетті.

Оқушыларды оқу мәдениетіне тәрбиелеу, кітапқа деген құрмет пен сүйіспеншілігін қалыптастыру, ең бастысы – кітапты оқуға құштарлығын шыңдау болып табылады. Қазіргі әлем қарқынмен дамуда, жаңа өмір жағдайлары, жаңа инновациялық технологияларды пайдалану мен қажеттіліктерді өзгеріске енгізу кітапхана қызметіне тиесілі.