Кітапхана қызметіндегі цифрлық технологиялар

Білім бөліміне қарасты N85 орта мектебінде оқуға құштар мектеп жобасы аясында "Цифрлық кітапхана-дәуір кітапханасы" тақырыбында облыстық семинар өткізілді.

Семинар барысында "Мектеп кітапханасы және кітап оқу: мәселелер, жаңа тәсілдер, даму перспективалары", "Кітапханалар цифрлық ортада және қазіргі заманғы қоғамның талаптары", "Цифрлық дәуір талабы-заманауи кітапханалық қызмет" тақырыптарында жан-жақты талдамалы жұмыстар көрсетіліп, жас ақын бірнеше аудандық, облыстық мүшайра, айтыстың жүлдегері N85 орта мектебінің 10 сынып оқушысы Жалғасбаев Еркебұланның " Мен едім көкке бойлай жанған жалын" тақырыбындағы кітабының тұсаукесерімен жалғаса түсті.

Сондай-ақ, жас ақын өз шығармашылығынан өлең оқып көрермендерді өзіне баурап алды.

Семинар соңы Облыстық оқу орталығы "Қосымша білім беру" бөлімінің арнайы қатысқан мамандарының пікірімен қорытындыланды.