"Коворкинг" орталығы ашылды

Ахметжан Жанпейісов атындағы № 105 мектеп-лицейінде Наурыз мейрамы қарсаңында мектеп оқырмандары үшін "Коворкинг" орталығы ашылды. "Коворкинг" орталығының негізгі мақсаты - әлеуметтік маңызы бар бастамаларды, жобаларды және бірлесе жұмыс жүргізу үшін оқушыларға қолжетімді жұмыс кеңістігін ұйымдастыру. Орталықта мектеп оқушылары мен мұғалімдері өз жобаларын, идеяларын талқылай алады, пікірталастар, семинар, шеберлік сағаттары мен тренингтер ұйымдастыруға болады.
Мектептің "Коворкинг" орталығында жұмыс істеу үшін барлық жағдайлар жасалған: ыңғайлы креслолар, үстелдер, жұмыс орындарының ауқымды саны, бірлескен және жеке жұмыстарға арналған алаңдар, ақысыз Wi-Fi, жедел интернет бар. Заманауи орталық келген адамға өзінің сүйікті ісімен айналысуға, шығармашылық, креативті жобаларын жарыққа шығарып, жүзеге асыруға мүмкіндік береді.