Биыл аудан жастары қоғамда ойып тұрып орын алды. Себебі, өзге ауданда болмаған жетістіктерге аудандық Жастар ресурстық орталығы қол жеткізді. Өзінің көшбасшылығымен түрлі шараларды ұйымдастыруға мұрындық болған орталық басшысы Әділ Ибрахим жастардың бос уақытын тиімді өткізуіне айтулы үлесін қосты. Мәселен, алғаш рет «Қармақшы – жалынды жастар мекені» атты аудан жастарының балы өтті. Аудан арасында жастардың заман ағымына ілесуіне, тиімді уақытты құр өткізбеуіне арналған «КОВОРКИНГ» орталықтары ашылды. Ал, келер жылы осындай бес орталықты ашу жоспарға алынған. Сондай-ақ, «Прогресс» аудандық дебат үйірмесі­нің жұмысы үйлестіріліп, аудандық, облыстық, республикалық турнирлер мен арнайы аудан әкімінің кубогі үшін байқау болады. Одан бөлек, «DRIVE» аудандық көңілді тапқырлар үйірмесінің жұмысы бастау алады. Лига жасақталып, аудан әкімінің кубогі үшін сайыстар өтеді.